VETERİNAR RENTGEN ASSİSTENTİ KURSU

Baytarlıq diaqnostikasında yeni bir peşəyə yiyələnin!

TEAMMED Academy tərəfindən təşkil olunan Veterinar Rentgen Assistenti Kursu baytarlıq klinikalarında rentgenoloji müayinələr zamanı həkimə assistentlik etmək, heyvanın müayinəyə hazırlanması, düzgün yerləşdirilməsi və görüntüləmə prosesinin əsaslarını öyrənmək istəyən şəxslər üçün hazırlanmış praktik tədris proqramıdır.

Bu kurs yalnız nəzəri bilik vermir. Tədrisin əsas məqsədi tələbəni baytarlıq klinikasının real iş prosesinə hazırlamaqdır.

Kursun müddəti

4 ay

Tədris həftədə 3 dəfə təşkil olunur.

Kimlər kursa qoşula bilər?

Kursa aşağıdakı şəxslər müraciət edə bilərlər:

• baytarlıq sahəsində işləmək istəyən şəxslər;
• veterinar assistenti olmaq istəyənlər;
• baytarlıq tələbələri;
• yeni başlayan veterinar assistentləri;
• baytarlıq klinikalarında çalışan texniki personal;
• heyvanlara qulluq sahəsində çalışan şəxslər;
• pet-klinikada işləmək istəyən şəxslər;
• baytarlıq diaqnostikasına marağı olan şəxslər;
• mövcud bilik və bacarıqlarını genişləndirmək istəyən veterinar mütəxəssislər.

İlkin tibbi və ya baytarlıq biliyi olmayan şəxslər də baza modulundan başlayaraq tədrisə qoşula bilərlər.

Kursda nə öyrənəcəksiniz?

Tələbələr mərhələli şəkildə aşağıdakı mövzularla tanış olacaqlar:

*Baytarlıq radiologiyasına giriş

*Rentgen cihazı

*Radiasiya təhlükəsizliyi

*Heyvanın rentgen müayinəsinə hazırlanması

*Rentgen pozisiyalaşdırılması

Tələbə həmçinin aşağıdakı proyeksiyaları tanıyır:

• lateral;
• ventrodorsal;
• dorsoventral;
• kraniokaudal;
• kaudokranial;
• müxtəlif oblik proyeksiyalar.

İt və pişiklərdə rentgen müayinəsi

Kursun əsas praktik istiqamətlərindən biri it və pişiklərin rentgen müayinəsinə hazırlanması və pozisiyalaşdırılmasıdır.

Tələbələr müxtəlif ölçüdə heyvanlarla işləmə prinsiplərini, təhlükəsiz fiksasiyanı və görüntü keyfiyyətinə təsir edən amilləri öyrənirlər.

*Görüntünün keyfiyyətinin ilkin qiymətləndirilməsi

Veterinar rentgen assistenti diaqnoz qoymur.

Lakin assistent texniki baxımdan görüntünün:

• düzgün pozisiyada olub-olmadığını;
• lazımi anatomik nahiyəni əhatə edib-etmədiyini;
• bulanıqlıq olub-olmadığını;
• ekspozisiyanın uyğunluğunu;
• hərəkət artefaktlarının olub-olmadığını

tanımağı bacarmalıdır.

Bu, təkrar çəkilişlərin və lazımsız radiasiya ekspozisiyasının azalmasına kömək edir.

Praktik yönümlü tədris

TEAMMED Academy-də məqsədimiz tələbəyə yalnız nəzəri məlumat vermək deyil.

Tələbə öyrəndiyi bilikləri:

görməli → tətbiq etməli → təkrar etməli → bacarıq halına gətirməlidir.

Buna görə kursda praktik məşğələlərə xüsusi əhəmiyyət verilir.

Kursu bitirdikdən sonra tələbə

• rentgen otağının iş prosesini anlayır;
• rentgen cihazının əsas hissələrini tanıyır;
• heyvanı müayinəyə hazırlaya bilir;
• təhlükəsiz fiksasiya prinsiplərini bilir;
• əsas rentgen pozisiyalarını tanıyır;
• radiasiya təhlükəsizliyi qaydalarını bilir;
• görüntünün texniki keyfiyyətini ilkin olaraq qiymətləndirə bilir;
• baytar həkimə rentgenoloji müayinə zamanı assistentlik edə bilir;
• baytarlıq klinikasında görüntüləmə şöbəsinin iş prosesinə daha hazırlıqlı daxil olur.

Sertifikat

Tədris proqramını uğurla tamamlayan iştirakçılara TEAMMED Academy tərəfindən kurs sertifikatı təqdim olunur.

TEAMMED Academy

Nəzəri bilikdən praktik bacarığa.

Veterinar Rentgen Assistenti Kursuna qeydiyyat açıqdır.

Yerlər məhduddur.

Ətraflı məlumat və qeydiyyat üçün TEAMMED Academy ilə əlaqə saxlayın.